Цæгат Ирыстоны дарддæр цæуы вакцинаци

Ковиды ныхмæ прививкæтæ кæныны хъуыддаг республикæйы парахат кæны. Адæмы цæуынц сæрамагонд пункттæм æмæ кæнынц вакцинæ терапевты æркасты фæстæ бар райсгæйæ. Афтæ, 1-æм поликлинкæ Заводы поселочы байгом кодта сæрмагонд филиал. Вакцинацимæ чи 'нхъæлмæ кæсы, уыдон рады лæууынц медицинон уагдоны. Æмæ сæ нымæц чысыл нæу. Фæнды сæ се 'нæниздзинад бахъахъхъæнын, уыимæ мæт кæнынц сæ хиуæттыл дæр. Вакцинаци скӕнӕг адæмы нымæц куыд фылдæр кæна, афтæ тагъддæр дуне уæгъд кæндзæн короновирусы хæцгæ низӕй. Æмæ уæд æппæт дунейы адæм раздæхдзысты сæ царды раздæры фӕткмӕ. Зæгъын хъæуы уый, æмæ адæмы 'хсæн ис, тӕккӕ райдианы чи фæрынчын ковидæй, ахæмтæ. Æмæ сæ нал фæнды уыцы низимæ ногæй æмбæлын. 1-æм поликлиникæйы филиалы, Заводы поселочы вакцинаци активонæй æххæст кæнынц. Прививкæты фыццаг партийæ ныридæгæн спайда кодтой. Ныртæккæ кусынц дыккаг партийæ, уый дæр кæронмæ фӕвӕййы. Вакцинæ ӕвæрд ис сæрмагонд уазалгæнæны, домæнтæм гæсгæ куыд æмбæлы, афтæ. Медицинон уагдоны сарæзтой сæрмагонд график. Уымæ гæсгæ поселоччы цæрджытæ цæуынц иммунизаци. Афтæмæй ма поликлиникæйы прививкæтæ кæныны филиалы æнхъæлмæ кæсынц вакцинæйы ног партимæ. Гугкаты Иринӕ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv