100 вольеры сараздзысты Дзæуджыхъæуы сырдтæн цы бынат аразынц уым

100 вольеры сараздзысты, Дзæуджыхъæуы сырдтæн цы бынат аразынц, уым. Арæзтадон куыстытæ ныртæккæ сæ тæмæны сты. Горæты администрацийы сæргълæууæг Фæрниаты Тамерлан ӕркаст, куыст куыд цæуы, уымӕ. Бæстыхайæн бынат рахай кодтой Дзæуджыхъæуы Рахизфарсы районы, йæ фæзуат у 1 гектарæй фылдæр. Администраци бафыста муниципалон бадзырд арæзтады дыууæ къæпхæнмæ гæсгæ. Ныртæккæ кусынц фыццаг къӕпхӕныл. Фæзуат лæгъз кæнынц, сæрмагонд æрмæджытæ дзы æвгæнынц, техникæйы фæрцы. Специалистты ныхæстæм гæсгæ, хæстæгдæр рæстæг райдайдзысты вольертæ аразын æмæ мидæггаг фæз кæнын. Самайдзысты дзы дыууæ корпусы. Уыдзæн дзы административон агъуыстытæ, хæрæндон æмæ ветеринары пункт. Аразджытæ сæ куыст кæнынц нысангонд фæткмæ гæсгæ, иннæ азмæ дæр пълан кæнынц. Уыцы иу рæстæг дзы бынат хъуамæ уа 350 сырдæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv