Сергей Меняйло фембæлд æхсæнадон змæлд «Наша Осетия»-йы сæрдар Лагкуты Вячеславимæ

«Сообщество», зæгъгæ, форум 26 æмæ 27 майы ацæудзæн Дзæуджыхъæуы. Уый тыххæй ныхас кодтой Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло æмæ нæ бæстæйы æхсæнадон палатæйы минæвар республикæйы Лагкуты Вячеслав. Форумы сæйраг тема – æхсæнадон цæстдард. Архайджыты 'хсæн уыдзысты федералон æмæ регионалон æхсæнадон палатæты уæнгтæ, æнæкоммерцион организациты разамонджытæ æмæ эксперттæ. Ныхас ма кæндзысты æхсæнадон Советтæ æмæ цæстдарджыты куыстыл. Уыимæ ма социалон медицинæйы архайдыл. Уæлдай æргом аздахдзысты æнæкоммерцион организациты райрæзтмæ. Лагкуты Вячеславы ныхæстæм гæсгæ, ацы аз æхсæнадон змæлд «Наша Осетия» сбæрæг кæндзæн йæ 30 азы юбилей. Ныридæгæн йæ хыгъды ис 34 национ - культурон иугонды, уыдонæй 14 кусынц Мæздæджы районы, иннæтæ Дзæуджыхъæуы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv