Цæгат Ирыстоны Æрмдæсныйады центры цæуынц дæсныйад æвдисæн ахуыртæ

Ирыстоны æрмдæснытæ цæттæ сты сæ фӕлтӕрддзинады сусæгдзинæдтæ амонынмæ. Алы къуыри дæр нæ республикæйы æрмдæсныйады центры саразынц ахуыртæ. Ныр æрбацæуджытæн сæ зæрдæмæ цы дзаума фæцæуа равдысты, уый йæ бон æрмæст балхæнӕн нæ уыдзæн, фæлæ ма йӕ скæнын дӕр базонын. Уыцы фадат центр дæтты, цæмæй нæ национ дæсныйæдтæ ма фесæфой æмæ фæлтæрæй фæлтæрмæ лæвæрд цæуой. Сæ курдиаты хъæздыгдзинад сæхи æрмадзты равдисын чи сразы, ахæм æрмдæснытæ дæр разынди. Уæдæ центр у туристты уарзон бынат. Дæсныйадæвдисæн ахуырты архайын райдыдтой минæвæрттæ сыхаг рспубликæтæй дæр. Центры куысты тыххæй бæлвырд хъусынгæнинаг кæддæриддæр вæййы социалон хызæг Инстараммы. Нæ социалон хызæгтæ сты гом. Инстаграмы сарæзтам проект. Пайдагæнджыты дзы зонгæ кæнæм алы æрмдæсныимæ дæр хицæнæй. Уымæй уæлдай нæ фарсыл фенæн ис хъусынгæнинаг семинарты, аиадон изæрты æмæ ахуырты тыххæй. Æхсызон мын у, нæ уазджыты 'хсæн алы кары адæм кæй ис. Национ æрмæдæсныйад цымыдис кæны, куыд скъоладзауты, афтæ ацæргæ адæмы дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv