Сергей Меняйло бабæрæг кодта Кулишкæты Сыгъдæг Мадымайрæмы аргъуан Мæскуыйы

Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло бабæрæг кодта Кулишкæты Сыгъдæг Мадымайрæмы аргъуаны раз фæз Мæскуыйы. Дидинджытæ сæвæрдта Беслæны теракты чи бацарæфтыд, уыцы сывæллæтты номыл цыртдзæвæныл. Мадзалы архайдта Цæгат Ирыстоны æххастбарджын минæвар Уæрæсейы Президенты цур Дзанайты Барис. Аргъуаны разамонæг Дзеранты Вячеслав радзырдта реставрацион куыстыты тыххæй. Специалисттæ дзы ног кæнынц дзуæртты нывтæ. Аргъуаны разамынд бахатыд Сергей Меняйломæ музей, культурон центр æмæ фæсивæдон клубæн бæстыхæйттæ ссарын. Сергей Меняйло зæрдæ бавæрдта фарстайы тыххæй Мæскуыйы мэриимæ кæй бакусдзæн, уымæй. Сергей Меняйлойы ныхæстæм гæсгæ, Алайнаг кæрт уырнæг адæмæн у сæ удыхос. Æрбацæуынц æм, Мæскуыйы чи ахуыр кæны, уыцы фæсивæд дæр. Аргъуан у, не `мзæххонтæн Ирыстонимæ бастдзинады хорз фæрæз, фæнысан кодта республикæйы разамонæг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv