Дзæуджыхъæуы боныхъæды аххосæй хæдтулгæтæ сæ цыд баурæдтой

Донласт хуылыдзæй нал тæрсы, фæзæгъынц. Фæлæ республикæйы цæрджытæ тыхсынц. Ныр къуырийы дæргъы тыхджын къæвдатæ фæндæгтæй рауайын кодтой цæугæдæттæ. Сæйраг аххосаг - дондзæуæн системæйы уавæр. Тæркъæвдаты фæстæ Дзæуджыхъæуы уынгты ацæуæн нал вæййы. Хъыгагæн, ацы уавæр горæты цæрджытæн æнæзонгæ нæу. Иуæй-иу фæндæгтыл машинæтæ баурæдтой сæ цыд. Уымæн æмæ сæ уавæр тæссаг у хæдтулгæтæн. Бахъæуы сæ иувæрсты ацæуын æмæ афтæмæй бахизынц къахвæндæгтæм. Калинины, Чапаевы, Хæдарц æмæ Дзусы фыртты номыл уынгты уавæр уæлдай æвзæрдæр вæййы. Сæ дондзæуæн системæ хорз нæ кусы, æмæ уый аххосæй уынгты ленк кæнын бахъæуы. Дзæуджыхъæуы администрацийы æмбарын кæнынц, дондзæуæн системæ кæй ссыгъдæг кæнынц æппынæдзух. Ныртæккæ дæр «Владсток»-ы кусджытæ архайынц. Ахсджиаг у афойнадыл канализацийы хæтæлтæ бæрæг кæнын. Синоптиктæ зæгъынц, зæгъгæ ацы къуыри республикæйы уыдзæн тæрккъæвдатæ. Уæлдай тыхджын уарынтæм æнхъæлмæ кæсын хъæуы районты цæрджыты. Боныхъæд цы зиан æрхаста, уымæ нырма хъæуы æркæсын æмæ банымайын. Уымæ гæсгæ администраци цæрджытæй исы курдиæттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv