Хуссар Ирыстоны мысынц Зары трагедийы амæттæгты

Хуссар Ирыстоны мысынц Зары трагедийы амæттæгты. 28 азы размæ Цхинвалы змæстыты, Зары фæндагыл бынæттон цæрджытæ лыгъдысты сабырдзинад ссарынмæ, фæлæ фыдгæнджытæ сæ размæ фесты. Гуырдзиаг экстремисттæ амардтой 36 адæймаджы, 12 та цæфтæ баййæфтой. Рæстæг рацыд, фæлæ ныры онг аххосджын чи у, уыдонæн тæрхон нæ рахастой. Бæллæх цы бынаты æрцыд, уым та сын 2007 азы фæзынд цыртдзæвæн. Æрвылаз, уыцы бынатмæ æрбацæуынц зиан чи баййæфта, уыдоны хиуæттæ æмæ хæстæджытæ. Уымæй уæлдай ма, æрыгæттæ æмæ хицауады минæвæрттæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv