Дзæуджыхъæуы спортвон фæзтæ сты бындуронæй рацаразинаг

Спортивон фæзтæ ис, фæлæ сæ фылдæр сты, сывæллæттæн тæссаг æмæ, æдасдзинады домæнтæн дзуапп чи нæ дæтты, ахӕмтæ. Не сфæлдыстадон къорд цалдæр объекты бабæрæг кодта. Сæ уавæр хуыздæртæй нæу. Ныййарджытæ сæ сабитæн тæрсынц. Хъазæн фæзтæм сæ хæстæг нæ уадзынц. Цы минут æрхаудзысты, уый бӕрӕг нæу, зæгъгæ. Фарстайыл бакусынвæнд кæнынц федералон æмвæзадыл. Фæсивæдæн спортæй архайынмæ ног гæнæнтæ фæзындзæн æви нæ, уый базыдтой ме 'мкусджытæ. Кутузовы номыл уынджы цы спортивон фæз ис, уый 5 азы размæ сцалцæг кодтой. Йæ уæлцъар ын раивтой. Сарæзтой йын ног æмбонд дæр, фæлæ бирæйы фаг не сси. Уайтагъд иуырдæм акъул. Цæмæй хъыгдæрд мачи баййафа, уый тыххæй йæ цæрджытæ сæхæдæг раппæрстой. Ирыстойнаг уынджы спортивон фæз дæр хуыздæр уавæры нæй. Хур бон дæр æм ничи цæуы. Ам диссаг нæу, алырдыгæй згæ æмæ сæстытæ у. Уый тыххæй йæм сабитæ нæ цæуынц. Æмæ ахæм спортивон фæзтæ Дзæуджыхъæуы бирæ ис. Æхсæнадон кусджытæ сæ аив кæныныл архайынц. Æрæджы Адæмон фронты активисттæ сцалцæг кодтой инæлар Черняховскийы номыл уынджы спортивон фæзы æмбонд. Хæстæгдæр 3 азы Уæрæсейы регионтæ спортивон фæзтæ æмæ залты арæзтадæн райсдзысты 9 млрд сомы. Уый тыххæй бардзырд бафыста Уæрæсейы хицауады сæрдар Михаил Мишустин. 2 млрд æмæ 500 млн сомы субъекттæн рахай кæндзысты æрмæст ацы аз. Афтæмæй тагъд рæстæджы Цæгат Ирыстоны сывæллæттæн спортæй архайынмæ фылдæр гæнæнтæ фæзындзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv