Уæрæсейы стъолыл хъазгæ спортивон хуызты федерацийы минæвæрттæ балæвар кодтой стъолы хъазтытæ

Уæрæсейы стъолыл хъазгæ спортивон хуызты федерацийы минæвæрттæ реабилитацион центр «Алания»- йы сывæллæттæн балæвар кодтой стъолыл хъазтытæ. Самал сæ кодтой дунейы хуыздæр фирмæты. Се ’хсæн Германи, Англи æмæ Швецийæ ласт дзауматæ. Ахсджиаг уый у, æмæ сæ пайда кæнæн ис æнæниз адæмæн дæр, æмæ йе ’нæниздзинад кæмæн фæцудыдта, уыдонæн дæр. Хъæзтытæй раст куыд пайда кæнын хъæуы, уый фæдыл сын сæрмагонд ахуыртæ скодтой организаци «Like спорту»-ы архайджытæ. Делегацийы минæвæрттæ ма ахæм лæвар бакодтой Республикон психиатрон рынчындонæн. Сывæллæттæн радтой 5 хъазты. Хорз ахадынц æмæ раст кæнынц сабийы тактикæ, математикон цæттæдзинад æмæ къухты кусынад. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv