Æвзæрстытæ фыццаг хатт ацæудзысты дистанцион хуызы Цæгат Ирыстоны дæр

19-æм сентябры уыдзæн хъæлæс кæныны иумæйаг бон. Бæстæйы цæрджытæ æвзардзысты Паддзахадон Думæмæ депутатты. Цæгат Ирыстоны та муниципалон скондты сæргълæуджыты дæр. Ныр хъæлæсгæнæн хъуыддаг фенцондæр, ома электронон хъуызы - хæдзары, хъæлæс раттын нæуæд ты куысты бынаты уæвгæйæ. Тагъд, æнцон, пандемийæйы уавæр хынцгæйæ та ма æдас дæр. Граждайнаг хæс сæххæст кæнæн электрон хуызы ис хæдзары, уæвгæйæ, куысты, стæй ма фæсарæнты куы уай, уæддæр. Нæ бæстæйы ахæм эксперимент фыццаг хатт уыд дыууæ азы размæ Мæскуыйы Думæмæ æвзæрстыты. Ацы аз ма ахæм хуызы æвзæрстытæ уыдзысты æндæр регионты дæр. Специалистты ныхæстæм гæсгæ республикæйы цæрджыты 50% регистрацигонд сты Паддзахадон лæггæдты порталы. Уымæ гæсгæ дистанцион хуызы хъæлæстæн республикæйы уæвæн ис. Æхсæнадон палатæйы сæрдар Нина Чиплакова куыд загъта, афтæмæй ног технологитæ, æнæмæнг хорз сты. Фæлæ æвзæрстытæ бахъахъхъæнын хъæуы техникон къуылымпыдзинæдтæй, стæй хакерты архайдæй. Онлайн хъæлæс кæныны системæйыл бакуыстой Ростелекомы специалисттæ. Эксперттæ куыд зæгъынц, афтæмæй æвзæрстытæ бахъыгдарын нæ бантысдзæн. Электронон хуызы æвзæрстытæм цæттæй кæй сты, уый тыххæй фехъусын кодтой республикæйы центрон æвзарæн къамисы дæр. Ныр иу къуырийæ фылдæр Цæгат Ирыстоны специалисттæ кæнынц фæлварæнтæ системæйæн. Тренировкæ арæзт у 3 хайæ. Фыцаг - цæттæгæнæн, дыккаг - бындурон æмæ æртыккаг - кæронбæттæны, ацæудзæн майы. 19-æм сентябры, хъæлæс кæныны иумæйаг бон нæ бæстæйы уыдзæн алы къæпхæны разамонджыты æвзæрстытæ. Хъæлæс кæндзысты Паддзахадон Думæмæ депутаттæ снысан кæныныл дæр. Цæгат Ирыстоны 5 районы та æвзардзысты муниципалон скондты разамонджыты. Гугкаты Иринæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv