«Дорога памяти» æппæтуæрæсеон акци дарддæр цæуы

Цæгат Ирыстоны цæрджыты бон у, сæ хистæртæй Фыдыбæстæйы Стыр Хæсты чи архайдта, уыдоны ном сæнусон кæнын. Уымæн сын æххуыс у «Дорога памяти», зæгъгæ, æппæтуæрæсеон акци. Нырмæ уал æфсæддон комиссариаты информаци сæмбырд кодтой 40 мин ветераны тыххæй. Фронтовикты къамтæ æмæ фыстæджытæ проектæн æмбырд кæнын райдыдтой фарон. Уæ зæрдыл уын æрлæууын кæндзыстæм, проекты бацархайынæн хъæуы хæсты архайæджы хуызист сæрмагонд хайадмæ æрбахæссын æмæ анкетæ баххæст кæнын. «Дорога памяти» у иугонд информацион базæ. Ныридæгæн сæ хъайтарты тыххæй радзырдтой 30 милуан адæймагæй фылдæр. Акцийы фæлгæты Фыдыбæстæйы Стыр Хæсты хъæбатырты хуызтæ æмæ нæмттæ фенæн уыдзæн Уæрæсейы гæрзифтонг тыхты сæйраг аргъуаны. Мемориал байгом кæндзысты Уæлахизы бонмæ хæстæгдæр. Проект саразынæн баххуыс кодтой Уæрæсейы Пост, æфсæддон комиссариаттæ, æрыгон армионтæ æмæ бархионтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv