Цæгат Ирыстоны кæронмæ æрхæццæ æрыгон дæсныты регионалон чемпионат

Цæгат Ирыстоны кæронмæ æрхæццæ æрыгон дæсныты регионалон чемпионат. Сарæзтой йæ 8-æм хатт. Ерысты сæ арæхстдзинад æвдыстой Цæгат Ирыстоны педагогон институты студенттæ дæр. Архайдтой цалдæр номинацийы. Уæлахиздзаутæн фадат уыдзæн националон ерысты æвзарæн къæпхæны бацархайынæн. Ирд, цымыдисаг мæ æнцон архайд. Ахæм у райдиан кълæсты ахуыргæнæг Милдзыхты Алинæйы сайт. Раст зонындзинæдты бæстæмæ фæдамонæджы хуызæн. Пайда æрмæджытæ дзы ссардзысты куыд сабитæ, афтæ сæ ныййарджытæ дæр. Платформæйы ис боныфæтк æмæ ахуырдзаутæн сæхи æппæтуæрæсеон контролон куыстмæ бацæттæ кæнынæн æрмæг. Сайтыл бакуыстой педагогон институты студенттæ. Сарæзтой йæ æртæ сахаты æмгъуыдмæ. Нырыккон технологитæ педагогикæйы ахсджиаг сты, сæ хъуыдмæ гæсгæ. Æрыгон дæсныты æркасты уыцы бæрæггæнæнæн стыр аргъ кодтой. Йæ сайт æмæ педагогон арæхстдзинады руаджы Милдзыхты Алинæйæн бантыст фыццаг бынат бацахсын райдиан кълæсты ахуыр кæныны номинацийы. Сыхаг кабинеты та йæ фæлтæрддзинад æвдисы Ульяна Буряченко. Банымадтой æй хуыздæрыл скъолайы агъоммæ ахуырады компетенцийы. Æртæ боны дæргъы эксперттæн æвдыста йæ арæхстдзинад сабитимæ кусгæйæ. Æрыгон хъомылгæнджытæ æмæ ахуыргæнджыты куыстæн аргъ кодтой эксперттæ. Се 'хсæн институты скъолайы агъоммæ æмæ райдиан кълæсты ахуырады кафедрæты ахуыргæнджытæ. Куыд фæнысан кодтой, афтæмæй æркасты архайджытæ сæхи æнтыстджынæй равдыстой. Педагогон институтæй æркасты архайдтой 10 адæймаджы. Архайджытæ, уæлахиздзаутæ æмæ эксперттæн уæлдæр ахуыргæнæндоны радтой сертификаттæ. Фыццаг бынат чи бацахста, уыдон республикæйы номæй архайдзысты националон æркасты æвзарæн къæпхæны сæрды. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv