Коммуналон лæггæдты хæрзхъæддзинадмæ хъæуы здахын уæлдай æргом

Коммуналон лæггæдты хæрзхъæддзинадмæ хъæуы здахын уæлдай æргом. Къабазы куысты хатдзæгтыл æмæ фидæнмæ пълæнттыл æрдзырдтой хицауады сæрдары хæстæ рæстæгмæ æххæстгæнæг Тускъаты Таймураз æмæ цæрæнуæтты-коммуналон хæдзарад, артаг æмæ энергетикæйы министры хæстæ рæстæгмæ æххæстгæнæг Тамайты Майрæн. Дзуапдæттæг министрады разамынды ныхæстæм гæсгæ, «Жильё и городская среда» нацпроекты фæлгæты сфидар кодтой адæмы кæлæтдзаг хæдзæрттæй ногтæм раивыны программæ. Æххæст æй кæндзысты 2024-æм азы онг. Уыцы æмгъуыдмæ 41 зæронд хæдзарæй ног цæрæнуæттæм ракæндзысты мин æмæ 200 адæймагæй фылдæр. Бирæуæладзыгон хæдзæртты бындурон цалцæджы программæйы фæлгæты фарон Дзæуджыхъæуы æмæ Мæздæджы районы базылдысты 25 бирæфатерон бæстыхаймæ. Республикæйы ма кусы «Обеспечение устойчивого сокращения непригодного для проживания жилищного фонда» федералон проект. Йæ фæлгæты Рахизфарсы районы æмæ Дзæуджыхъæуы ацы аз сæ цæрæн уавæртæ фæхуыздæр кæндзысты 114 бинонтæ. Уымæй уæлдай Цæгат Ирыстоны базилдзысты 42 æхсæнадон æмæ 72 бирæуæладзыгон хæдзары кæртмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv