Нырыккон аивады паддзахон центры цæуы семинар республикæйы педагогтæн

Сывæллæтты ахуырмæ куыд сразæнгард кæнæн ис? Цавæр хъуамæ уа педагог, цæмæй фæндаг ссара йæ хъомылгæнджыты зæрдæтæм? Ууыл æрныхас кодтой Нырыккон аивады паддзахадон центры семинары рæстæг. Архайдтой дзы республикæйы педагогтæ, музейтæ, ресурсон центры æмæ, йæ куыст сывæллæтимæ баст кæмæн у, уыцы уагдæтты кусджытæ дæр. Семинары спикертæ — Пермы нырыккон аивады музейы специалисттæ. 3 боны дæргъы архайджытæн уыдзæн лекцитæ, практикон мадзæлттæ, стæй дæсныйадæвдисæн ахуырты архайыны фадат. Уæлдай æргом аздахдзысты сывæллæтты ахуырмæ сразæнгард кæныны хъуыддагмæ. Уыимæ ма семинары фæлгæты йæ алы ахрайæг дæр адæмы размæ рахæсдзæн йæхи сæрмагонд проект, сывæллæттимæ куыд кусын хъæуы, уыцы амынддзинæдтимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv