Цæгат Ирыстонæн радих кæндзысты 190 милуан сомы

Цæгат Ирыстонæн радих кæндзысты 190 милуан сомы. Бахардз сæ кæндзысты адæмы кæлæддзаг хæдзæрттæй ногтæм раивыныл, коронавирусы ныхмæ хостæ балхæныныл æмæ амбулаторон лæггæдтæ кæнынæн. Афтæ ма фæкæсдзысты Советон Цæдис æмæ Уæрæсейы Хъæбатыртæм, Намысы ордены æххæст кавалертæм, стæй социалон æгъдауæй æндæр æххуысцух адæммæ. Уый тыххæй фехъусын кодта Цæгат Ирыстоны финансты министры фыццаг хæдивæг Оксана Карова республикæйы Парламенты советы æмбырды. Йæ архайджытæ ма æркастысты сæрмагонд экономикон фæз «Мамысон»-ы резидентты куыстмæ дæр. Куыд нысан кæнынц, афтæмæй хъуамæ транспортон хъалон мауал фидой. Дзуаппдæттæг комитеты разамонæг Баликъоты Валерий бамбарын кодта, ахæм хорзæх алкæмæ кæй нæ хауы. Хъалонисæн 10 æмгъуыдмæ дзы спайда кæндзысты, Мамысонгомы райрæзтыл кæй транспорт куса, уыдон. Уыцы `мгъуыд та нымайдзысты транспортон иуæг регистраци скæныны бонæй фæстæмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv