5-æм æмæ 6-æм майы Куадзæны æрвылазон фестиваль ацæудзæн Дзæуджыхъæуы

5-æм æмæ 6-æм майы Куадзæны æрвылазон фестиваль ацæудзæн Дзæуджыхъæуы. Уый тыххæй республикæйы сæргълæууæджы хæстæ рæстæгмæ æххæстгæнæг Сергей Меняйло ныхас кодта культурæйы министры хæстæ рæстæгмæ æххæстгæнæг Къубалты Эльбрусимæ. Сергей Меняйло дзуапдæттæг министрæн бабар кодта, цæмæй ацы ахсджиаг мадзал ацæуа бæрзонд æмвæзадыл. Мариинаг театры коллектив æмæ йæ разамонæг Гергиты Валерийæн æнæмæнг бакæнын хъæугæ æххуыс. Æмбырды ма æрдзырдтой 9 майы бæрæгбонмæ цæттæгæнæн мадзæлттыл. Сæрмагондæй фæнысан кодта «Посмотри на их лица», зæгъгæ, акци. Къубалты Эльбрусы ныхæстæм гæсгæ, акцийы фæлгæты Фыдыбæстæйы Стыр хæсты Ветерантæ æмæ архайджыты портреттæй саив кæндзысты республикæйы горæттæ æмæ хъæуты уынгтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv