Ног док. киноныв адæмы рæгъмæ рахаста республикæйы нациты ахастдзинæдты фарстаты фæдыл министрад

«Алантæ Цæгатаг сахары». Ахæм ног документалон киноныв адæмы рæгъмæ рахаста нæ республикæйы нациты ахастдзинæдты фарстаты фæдыл министрад. Кусын ыл райдыдтой 2020 азы. Ирыстон æмæ Бетъырбух цавæр историон цаутæй баст сты? 1774 азы Цæгат Ирыстон куыд баиу Уæрæсеимæ? Цавæр хъуыстгонд ирон адæм цæры ныр Санкт-Петербурджы? Ахæм æмæ æндæр фарстатæн дзуаппытæ ссарæн ис ацы кинонывы. «Алантæ Цæгатаг сахары». Ирон адæмы историон, социалон æмæ культурон бастдзинæдты тыххæй Бетъырбухимæ – иу кинонывы. 1774 азы Цæгат Ирыстон куыд баиу Уæрæсеимæ? Дипломатты `хсæн чи уыд? Ирыстонæй рацæугæ ирæттæ Санкт- Петербурджы ныр куыд цæрынц æмæ куыд æнгом баст сты кæрæдзиимæ? Ацы фæрстытæн дзуапп ссарæн ис ног документалон кинонывы. Ахæм документалон киноныв сисыны уынаффæ рахаста нæ республикæйы нациты ахастдзинæдты фарстаты фæдыл министрад. Райдыдтой йыл кусын фарон. Стыр æххуыс сын фесты республикæйы алыхуызон музейтæ æмæ кинонывимæ баст адæм. Æцæйгæдæр цымыдисаг кæй райад, уый фæнысан кодтой уазджытæ сæхæдæг. Кинонывы премьерæйы фæстæ видеобастдзинады фæрцы æмбырды архайджытæ аныхас кодтой сфæлдыстадон къорды уæнгтимæ. Ахæм куыст сын бакæнын æнцон нæ уыд. Продакшн «AVA Studio»-йы архайджытæ Цæгат Ирыстоны дзуаппдæттæг министрадимæ фыццаг хатт нæ кусынц. Кинонывæн сæ бахъуыд æрмæг 9 сахаты бæрцы сисын. Цæттæ куыст та рауад иу сахат. Бахастой йæм, ахсджиагдæр сæм цы фæкаст, уыцы мидисджын хъуыдытæ. Уазджыты ныхæстæм гæсгæ, ахæм кинонывтæ исын у тынг пайда æмæ ахадгæ. Куыд зæгъынц, афтæмæй сæ фæндты ис сæ куыст адарддæр кæнын. Кинонывæн хъуамæ фæзына дыккаг хай дæр. Æнæмæнг, уыдзæн дзы нæ адæмыхатты тыххæй, дунеон историйыл куыд ахадыдтой, уыцы цаутæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv