Цæгат Ирыстоны коронавирусæй рынчынтыл суткæмæ бафтыд 203 адæймаджы

Цæгат Ирыстоны ковидæй рынчынтыл суткæмæ бафтыд 203 адæймаджы. Уыдонæй рынчындонмæ бахаудысты 64-æй. Æдæппæтæй республикæйы дзæбæхгæнæндæтты низæй хи дзæбæх кæнынц 647 адæймаджы. Медицинон уагдæтты бацæттæ кодтой 100 уæлæмхасæн бынаты. Эпидемиологон уавæры аххосæй нысангонд фæткмæ гæсгæ куыст баурæдта Дзæуджыхъæуы Æфсæнвæдаджы рынчындон дæр. Ныртæккæ фæткмæ гæсгæ кусы æрмæст йæ арæндон. Регионы дарддæр æххæст кæнынц æдасдзинады мадзæлттæ. Дохтырты ныхæстæм гæсгæ, хæцгæ низ ма апарахат кæныны тыххæй ахсджиаг у вакцинаци ацæуын æмæ санитарон домæнтæ лæмбынæгдæрæй æххæст кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv