Беслæны цæуы Сывæллæтты уæлæмхасæн ахуырады центры рацарæзт

Беслæны та дарддæр цæуы Сывæллæтты уæлæмхасæн ахуырады центры рацарæзт. Объекты иу сменæйы райсомы 8 сахатæй изæры 7-мæ кусынц 16 адæймаджы. Фыццæгæм уæладзыгыл уыдзæн хореографийы кълас, медпункт æмæ санитарон агъуыстытæ. Дыккæгæмыл — актон зал 134 бынатæн, театралон студи, дарæс æвæрæн агъуыст, хуыйæн кабинет æмæ инструменталон кълас. Æртыккæгæм уæладзыг уыдзæн административон. Ам сараздзысты лифт дæр. Бахизæны, се 'нæниздзинад хъыгдард кæмæн у, уыдонæн къæсæртыл сæвæрдзысты пандустæ.