Цæгат Ирыстоны хæхты мæсгуыты фæзынд кинотеатр

Цæгат Ирыстоны хæхты мæсгуыты фæзынд кинотеатр. Уый тыххæй фæхъусын кодта проект аразæг, æхсæнадон организаци «Родовые башни»-йы разамонæг Цæллагты Заур. Кинонывты æвдыстæй уæлдай ма æмбæлдзысты режиссертимæ, зарæггæнджытимæ æмæ историктимæ. Гом арвы бын кинонывтæм уыдзæн бакæсæн лæвар. Цавæр киноныв æвдисдзысты, уый та уазджытæ æвзардзысты рагагъоммæ социалон хызæгты. Фылдæр æргом здæхт цæуы ирон кинонывтæм, уыимæ ма культурæимæ баст чи у, ахæмтимæ. Уæдæ ирон æвзагыл мультипликацион кинонывтæ дæр номхыгъды фенæн ис. Уæ зæрдыл уын æрлæууын кæндзыстæм, проекты сæйраг нысан - нæ рагфыдæлты царды фæтк æмæ культурæ равдисын. Историон бынат сног кæныны хæс йæхимæ райста Цæллагты Зауыр. Этномузей саразыны проект равдыста фæсивæдон форум «Машук»-ы. Гранты фæрцы къухы бафтыд. Фæнысан ма кæндзыстæм уый, æмæ мæсгуытæ сты куыд мыггаджы номыл, афтæ хæстонтæ дæр. Бахæсæн сæ ис Ирыстоны ирддæр символтæм. Федералон æмæ республикон æмвæзадыл культурон нысаниуæг кæмæн ис, ахæм объекттæ сты 140. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv