34 милуан æмæ 376 мин сомы рахай кодтой Цæгат Ирыстоны медицинон кусджытæн

34 милуан æмæ 376 мин сомы рахай кодтой федералон бюджетæй, уæлæмахсæн субсидиты хуызы, Цæгат Ирыстоны медицинон кусджытæн. Фиддонтæ фыст цæудзысты, коронавирусы ныхмæ чи тох кæны, уыцы дохтыртæн. Уый тыххæй хъусын кæнынц Æнæниздзинад хъахъхъæныны министрадæй. 34 милуанæй 28 бафиддзысты, зындæр уавæрты æмæ уæлдай фылдæр рæстæг чи куыста, уыдонæн. Вирусæй рынчын адæмы чи дзæбæх кæны æмæ йæ цардæн тæссаг кæмæн у, уыцы дохтыртæн та 6 милуанæй фылдæр. Æдæппæтæй эпидемийы райдианæй Цæгат Ирыстоны медицинон кусджытæн уæлæмхасæн фиддонтæ рахай кодтой 640 милуан сомæй фылдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv