Фæсивæдон библиотекæйы сарæзтой Федерико Гарсиа Лоркайы музыкалон-литературон изæр

Испайнаг поэт, драматург, музыкант æмæ нывгæнæг-график. Гæздæнты Гайтойы номыл фæсивæдон библиотекæйы сарæзтой музыкалон-литературон изæр. Баст уыд Федерико Гарсиа Лоркайы райгуырды 125 азимæ. 4-æм профессионалон лицейы студенттæ бацæттæ кодтой фыссæджы царды тыххæй бæстон презентаци. Йæ биографийы æмæ зын царды цауты тыххæй сарæзтой цымыдисаг ныхас. Уымæй уæлдай ма радзырдтой йе 'сфæлдыстады æртæ здæхты тыххæй: уарзондзинад, монц æмæ мæлæт. Архайджыты базонгæ кодтой авторы æппæты зындгонддæр æмдзæвгæтимæ.