Рассвет æмæ Фыййаджыбылы хсæн ног хид аразын райдыдтой 2 мæйы размæ

Рассвет æмæ Фыййаджыбылы 'хсæн ног хид аразын райдыдтой 2 мæйы размæ. Зæронд хид заууат уавæрмæ æрцыд. 2016 йын сарæзтой экспертизæ. Фарон та райдыдтой арæзтадон куыстытæ. Ног хид аразынц зæронды цур. Рацæуыны бынат дзы уыдзæн дыууæ хæдтулгæйæн. Сараздзысты дзы фистæгцæуджытæн дæр къахвæндæгтæ. Ныр уал сæвæрдтой фидаргæнæн цæджындзтæ. Дарддæр ыл хъуамæ бетонæй уæлцъар сæвæрой. Куыстытæн радих кодтой 48 милуан сомы. Ацы аз ног хид уыдзæн цæттæ. Æвзæр уавæры ис Нартыхъæу, Фыййаджыбыл æмæ Рассветы 'хсæн фæндаг дæр. Бындуронæй бирæ азты дæргъы цадцæггонд нæ уыд. Дзыхъхъытæ æмæ къуыппытæй дзаг у. Хæдтулгæтæ дзы æнæ къуылымпытæй нæ цæуынц. Кæд æм базилдзысты, уыцы фарстайæн дзуапп райстам Æрыдоны районы администрацийы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv