Хистæр лейтенант Бутаты Георгийæн Дзæуджыхъæуы байгом кодтой мемориалон фæйнæг

Дзæуджыхъæуы мемориалон фæйнæг байгом кодтой хистæр лейтенант Бутаты Георгийæн. Хъæрæсе-Черкесийы Лабæйыхъæуæй рацæуæг архайдта Фыдыбæстæйы Стыр хæсты. 1943-æм азы Бутаты Георгийы схорзæхджын кодтой æппæты кадджындæр ном - Советон Цæдисы хъайтары ном. Æфсады службæйы фæстæ Бутайы-фырт æрыздæхт йæ райгуырæн хъæумæ. Куыста математикæйы ахуыргæнæгæй. Хæст æй æрæййæфта скъолайы разамонæджы хæдивæгæй уæвгæйæ. Архайдта тугкалӕн тохы Воронежы æмæ, немыцы `фсæдтæ бæрзæйсæттæн цæфтæ кæм райстой, уыцы фронты. Уыимæ ма Курскы тохы. Йæхи равдыста æхсарджынæй. Фæлæ 43-æм азы тохы мидӕг мæлæтдзаг цæф фӕци. 2019 азы Бутаты Георгийы номæй схуыдтой Дзæуджыхъæуы уынгтæй иу. Абон ын уым йæ ном сæнусон кодтой. Йӕ хъӕбатырдзинад ӕмӕ райгуырӕн бӕстӕмӕ уарзондзинад у фӕлтӕрӕй-фӕлтӕрмӕ фӕзминаг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv