Сырх-Дыгуры бындурон цалцæджы фæстæ байгом амбулатори

Сырх-Дыгуры цæрджытыл хорздзинад æрцыд. Хъæуы бындурон цалцæджы фæстæ йæ дуæрттæ байгом кодта амбулатори. Ныр медицинон æххуыс цæрджытæ исдзысты æмбæлгæ уавæрты. Уагдоны фæзынд æппæт нырыккон домæнтæн дæр дзуаппдæттæг кусæнгæрзтæ. Бæлвырддæр нæ дарддæры æрмæджы. Цæрджыты удæнцойæн. Сырх-Дыгуры бындурон цалцæджы фæстæ йæ дуæрттæ байгом кодта амбулатори. Цалцæггæнæн куыстытæ ам райдыдтой фарон апрелы. Ныр цæрджытæ æмбæлгæ медицинон æххуыс исдзысты ног бæстыхайы, аив уæтты. Бынæттон цæрджытæ ацы хорздзинадмæ рагæй æнхъæлмæ кастысты. Кадджын мадзалмæ саккаг кодта республикæйы æнæниздзинад хъахъхъæнынады министр Тебиаты Сослан дæр. Цалцæггæнæн куыстытæ æххæстгонд цыдысты паддзахадон программæ «Развитие здравоохранения»-йы фæлгæты. Уый руаджы баивтой бæстыхайы сæр, хъармгæнæн æмæ электрон тыхы системæтæ. Сног кодтой рудзгуытæ, дуæрттæ. Банывыл кодтой бæстыхайы æддаг фæлгонц, базылдысты амбулаторийы алывæрстæм. Медицинон уагдоны ныр ис ног кардиограф дæр. Ифтонг сты æмбæлгæ медицинон гæрзтæй. Зæгъын хъæуы уый, æмæ кусæнгæрзтæ дзуапп дæттынц æппæт нырыккон домæнтæн дæр. Цæмæй цæрджытæ медицинон æххуыс афойнадныл исой, уый тыххæй амбулаторийæн радтой ног хæдтулгæ дæр. Ныр медицинон кусджыты бон уыдзæн æнæ къуылымпытæй атагъд кæнын рынчынмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv