Дзæуджыхъæуы ацыдысты бæрæгбоны агъоммæ Уæлахизы боны парады репетици

Дзæуджыхъæуы Уæлахизы бонмæ цæттæгæнæн мадзæлттæ сæ тæмæны бацыдысты. Сæрибардзинады фæзыл репетицийы фæлгæты маршæй ацыдысты 58-æм æфсæддон хайы минæвæрттæ, артиллерион бригадæ, Уæрæсейы гвардийы æфсæддонтæ, Суворовон училищæйы ахуырдзаутæ æмæ æфсады иннæ хæйтты службæгæнджытæ. Æмткæй райсгæйæ, парады бацархайдзысты 1300 æфсæддоны. Равдисдзысты æфсæддон техникæйæ танк Т-90, бронетранспортертæ, бастдзинады æмæ хъахъхъæнынадон фæрæзтæ. Ацы репетици фæстаг нæу. Уæлахизы боны агъоммæ ма цæттæгæнæн мадзæлттæ ацæудзысты 3-æм, 5-æм æмæ 7-æм майы. Уыцы бонты райсомæй Дзæуджыхъæуы астæу, сæйраг уынгтæ æмæ Сабырдзинады проспекты фæндæгтæ уыдзысты æхгæд. Фарон низы аххосæй Уæлахизы парад ацыд æнæ уазджытæй. Ацы аз йæ бон æрбацæуын у алкæмæндæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv