Космонавтикæйы скъолайы ахуыргæнинæгтæн декабры уыдзæн космонавттимæ видеобастдзинад

Комкоммæ бастдзинад æппæтадæмон космосон станцæимæ. Уæрæсейы сегменты ныртæккæ чи ис, уыдонимæ Къомайты Русланы номыл космонавтикæйы скъолайы ахуыргæнинæгтæ видеобастдзинады руаджы аныхас кæндзысты. Сараздзысты сын хъæбæр буæртты зилдухы тыххæй лекци, «Космосон урочы» фæлгæты дзуæппытæ ратдзысты фæсивæды фæрстытæн. Роскосмосы ахуырадон прогаммæйæн æмбал нæй. Ахæм гæнæнтæ сабитæн раздæр нæ уыд. Уæлахиздзаутæ сты æгас Уæрæсейæ. Равзæрстой сæ, цы видеоæрмæджытæ бацæттæ кодтой, уыдонмæ гæсгæ. Минут æмæ æрдæгмæ сывæллæтты хъуыди зæгъын, Зæххы орбитæйыл цы космонавттæ ис, уыдонимæ цæуыл аныхас кæндзысты, уый. Дзæуджыхъæуы космосуарзджытæ радзырдтой Къомайты Русланы тыххæй. Загътой, нæ бæстæйы космосон фидæны уыдон дæр, æнæмæнг, ахсджиаг бынат кæй ахсдзысты. Трансляци снысан кодтой декабрмæ. Раздæр ма Космонавтикæйы скъола бадзырд бафыста Роскосмосы академиимæ.