Дзæуджыхъæуы администрацийы сæргълæууæг Фæрниаты Тамерлан æркаст фæндæгты уавæрмæ

Дзæуджыхъæуы администрацийы сæргълæууæг Фæрниаты Тамерлан æркаст фæндæгты уавæрмæ. Фæндæгты арæзтады Управленийы разамонæгимæ федтой Весеннийы уынг. Уым ивынц асфальты уæлцъар. Ныридæгæн куыстытæ кæронмæ фæвæййынц. Хæстæгдæр рæстæг Весеннийæ Хъесайы фырты номыл уынгмæ фæзилæн хæдтулгæтæн гом æрцæудзæн. Ацы аз у æппæты егъаудæр объект. Цоколайы фырты номыл уынгæй Дзусты инæлары номыл уынгмæ фæндаг та фæуæрæхдæр кодтой. Ныр уыдзæн æхсæзфæндаггон. Уый фæрцы цæндтæ фæкъаддæр уыдзысты, хæдтулгæскъæрджытæн та сæ фæндаг уыдзæн парахат дæр. Æдасдзинадыл дæр ацы хъуыддаг фæбæрæг кæндзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv