Дзæуджыхъæуæй ныр хæдтæхæгыл абалц кæнæн уыдзæн Ереван, Баку, Каир æмæ Симферопольмæ

Дзæуджыхъæуæй ныр хæдтæхæгыл абалц кæнæн уыдзæн Ереван, Баку, Каир æмæ Симферопольмæ. Нæ республикæйы æппæтадæмон аэропорт фæфылдæр кодта йæ уæлдæфон рейсыты нымæц. Ныр къуыри иу хатт ахæм рейсытæ уыдзысты авиакомпанитæ «Нордвинд» æмæ «Пегас Флай»-ы бæрны. Дыццæджы-иу хæдтæхджытæ абалц кæндзысты Ереван æмæ Симферопольмæ. Каирмæ та тæхдзысты 17 июнæй фæстæмæ, алы цыппæрæмы дæр. Бакумæ рейсытæ байгом уыдзысты 20 июнæй фæстæмæ, алы хуыцаубоны. Уымæй уæлдай ма 17 июнæй фæстæмæ, къуыри иу хатт, алы майрæмбоны дæр Дзæуджыхъæуæй Мæскуымæ уыдзæн райсомы рейс. 9 сахаты æмæ 20 минутыл-иу «Нордвинд»-ы хæдтæхæг Ирыстонæй абалц кæндзæн Мæскуыйы аэропорт «Шереметьево»-мæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv