Коронавирусæй рынчынты чи дзæбæх кодта, уыцы медицинон ахуыргæнæндæтты студенттæн ординатурæмæ дæтты

Коронавирусæй рынчынты чи дзæбæх кодта, уыцы медицинон ахуыргæнæндæтты студенттæн ординатурæмæ дæттынц нысанон æрвыстытæ. Уымæ гæсгæ йæ куыст дарддæр æххæст кæны, ахуыргæнинæгты ординатурæмæ чи исы, уыцы къамис. Студенттæн сæ бон у бацæуын цалдæр Уæрæсейаг уæлдæр ахуыргæнæндонмæ. Уыдоны ’хсæн: Иван Сеченевы номыл æмæ Николай Пироговы номыл уæлдæр медицинон ахуыргæнæндæттæ. Университеттæн сæ бон у студентты райсын, «лечебное дело», «педиатрия», «хирургия», «стоматология» æмæ «пульмонология» кæй хонынц, ахæм медицинон къабæзтæм. Цæгат Ирыстоны ахуырад æмæ наукæйы министры хæдивæг Алыккаты Аланы ныхæстæм гæсгæ, коронавирусы рæстæг рынчынтæн 30 бонæй фылдæр медицинон ахуыргæнæндæттæй цы рауагъдонтæ æххуыс кодтой, уыдонæн хъуамæ æппæт гæнæнтæ дæр уа. Ахæм хæслæвæрд радта Битарты Вячеслав. Уымæй уæлдай ма, ординатурæмæ 40 бынаты сты уæгъд. Уыцы бынæттæ та хъуамæ лæвæрд æрцæуой иннæ студенттæн, кæд æмæ 30 бонæй фылдæр нæ фæкуыстой рынчынтимæ, уæддæр. Республикæйы хицауады сæрдар Тускъаты Таймураз куыд бафиппайдта, афтæмæй студенттæн, æрмæст нысангонд бынæттæ бацахсыны фадат ма уæ, фæлæ ма хъуамæ уа кусæн бынæттæ дæр. Хицауады сæрдар куыд загъта, афтæмæй нысангонд бынæттæ хъуамæ куыд æмбæлы, афтæ дихгонд цæуой студентты ’хсæн. Медицинон ахуыргæнæндæтты ахуырдзаутæн сæ фылдæр фæкуыстой, коронавирусæй рынчын чи у, уыдонимæ. Уый фæдыл сын Тускъаты Таймураз арфæ ракодта. Скъолатæ чи фæци, уыдонæн та сæ гæххæттытæ райдайдзысты æвзарын чысыл фæстæдæр. Иумæйаг Паддзахадон фæлварæнтæ кæронмæ куы æрхæццæ уой, уæд. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv