Рахизфарсы районы уæлæмхасæн ахуырадон центр кусы 60 азæй фылдæр

60 азæй фылдæр сывæллæттæн лæггад кæнын. Дæсгай сфæлдыстадон къорд æмæ сæдæгай курдиатджын сабийы. Рахизфарсы районы уæлæмхасæн ахуырадон центры алы ахуыргæнинагмæ дæр цæуы бæстон куыст. Егъау аивадон цард куыд цæуы, уый базыдта нæ уацхæссæг Калоты Дзерассæ дæр. Ахсджиаг ма у къухæвæрд, уымæй сæйрагдæр та — фæндыры зæлтæ арф, зæрдæйæ цæгъдын. Æрмæст афтæмæй цыфæнды зын цагъд дæр рауайы фидауцджын, зæгъы Кокайты Заремæ. Ныр 42 азы ууыл ахуыр кæны йæ ахуыргæнинæгты дæр. Сæ репертуар хъæздыг у рагон ирон, уыимæ ма уырыссаг цæгъдтытæй дæр. Районы скъолаты бындурыл сæхи фæлварынц мин æмæ фондз сæдæйæ фылдæр ахуырдзауы, 5 дæсныйады: социалон-педагогон, физкультурон-спортивон, экологон-биологон, туристон-бæстæзонынадон æмæ аивадон. Дзырдæн, сабитæ фылдæр се 'ргом здахынц аивадмæ. Фæлтæрдджын ахуыргæнджыты ныхæстæм гæсгæ, аивадмæ æмхиц уæвын ахъаз у сывæллæттæн. Сæ зонындзинæдтæ сын не 'вгъау кæнынц 34 ахуыргæнæджы. Зæрдæргъæвдæй сын уæлдай кæнынц сæ фæлтæррдзинадæй, æвæццæгæн, сабитæ уымæн згъорынц фæсурок ахуыртæм. Уæвгæ, рахизфарсы районы сывæллæтты уæлæмхасæн ахуырадон центры ахуыр клдтой бирæ фæлтæртæ. Бæстыхай байгом 1961 азы. Уæдæй абонмæ цы рауагъдонтæ схъомыл кодтой, уыдонæй бирæтæ ацыдысты æвзæрст фæндагыл. Фæстаг азты районы цалдæр скъолайы бындурыл ма байгом кодтой шахмæтты клуб æмæ зонадон брейн-рингтæ дæр. Сæ курдиатæй зындгонд сты, зæгъæм, националон кæфтыты ансамблтæ «Саби» æмæ «Ныфс», зарæггæнджыты къорд «Зондабитæ», уыимæ фæндырцæгъджытæ «Хурзарин» æмæ «Зондабитæ». Къордтæ се сфæлдыстадон концерттæ равдисынц Беслæны культурæйы галуаны. Центры сæйраг зал 2004 азæй нырмæ у æхгæд. У бындуронæй цалцæггæнинаг. Сывæллæтты райрæзтæй 60 азæй фылдæр лæггад кæнын. Дæсгай секцитæ æмæ сæдæгай курдиатджын сабитæ. Ценрты кусджытæ зæрдæ дарынц фидæны сæ авналæнтæ фылдæрæй-фылдæр кæй кæндзысты, ууыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv