Паддзахадон автоинспекцийы кусджытæ дарддæр тох кæнынц закъонхалджытимæ

Паддзахадон автоинспекцийы кусджытæ дарддæр тох кæнынц закъонхалджытимæ. Фæндæгтыл цæуыны æгъдæуттæ чи халы, уыдоны та рабæрæг кæнынц рейдты фæрцы. Ахæм хуызы хъахъхъæнынц бæлццæтты æмæ фистæгцæуджыты æдасдзинад. Уæвгæ, хæдтулгæ тæргæйæ, шофыры къухты ис, æрмæст йæхи нæ, фæлæ ма йæ алыварс чи ис, уыдоны цард дæр. Уымæ гæсгæ шофыртæ фæндагыл æдзухдæр хъуамæ уой къæрцъхъус. Фæлæ сфетофоры сигналтæм æмæ фæндаггон нысæнттæм расыг шофыртæ кæсынц куыд фæндыйы цæстæй.  Пъæлицæйæгтæ зæгъынц, нозтджынæй хæдтулгæйыл сбадын йæ ныфс чи бахæсса, уый баййафдзæн карз æфхæрд. Ахуыпп кæнгæйæ хæдтулгæ скъæрын чи уарзы, уыдонмæ, административон иварæй уæлдай, æнхъæлмæ кæсы уголовон бæрнондзинад. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv