Уæрæсейы чемпионат «Абилимпикс-2020»-æм райдыдта Цæгат Ирыстоны

23 ноябры райдыдта Уæрæсейы чемпионат «Абилимпикс». Ныридæгæн цæуы 6-æм хатт. Ахæсдзæн къуыри. Йе `нæниздзинад хъыгдæрд кæмæн у, уыцы сывæллæттæ алыхуызон дæсныйæдтæм гӕсгӕ кæндзысты ерыстæ. Эпидемиологон уавæр хынцгæйæ, чемпионат цæуы онлайн хуызы. Кадджын уавæры афтæ байгом кодтой 6-æм Уæрæсейы чемпионат «Абилимпикс». 12 компетенцимæ гæсгæ сæ тыхтæ фæлвардзысты 12 архайæджы. Уый тыххæй та бацæттæ кодтой 5 фæзуаты. Кæд æмæ онлайн хуызы цæуы, уæддæр архайджыты гæнæнтæ къаддæр нæ кæнынц. Абон сæ арæхстдзинад архайджытæ равдыстой æндадзæн куысты. Алы хъуыддаг дӕр ацыд æппæт домæнтæ хынцгæйæ. Архайджытæм лæмбынæг кæсынц эскперттæ. Хæринаг кæнын, хæдтулгæ цалцæг кæнын, сфæлдыстадон дизайн, ирон чъиритæ фыцын Компетенциты нымæц æрвылаз фылдæр кæны. Уымæй уæлдай ма дзы нæ республикæйы архайыны фадат фæзынд, 3 азæй 6 азы онг кæуыл цæуы, ахӕм сывæллæттæн дæр. Чемпионаты Уæлахиздзауты схорзæхджын кæндзысты сертификаттæй, диплом æмæ майдантæй. Пелиты Сабинæ  _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv