Хæцæнгарз æлхæнынæн закъонмæ гæсгæ бар цы карæй дæтдзысты, уый Паддзахадон Думæ фæуæлдæр кодта 21 аз

Хæцæнгарз æлхæнынæн закъонмæ гæсгæ бар цы карæй дæтдзысты, уый Паддзахадон Думæ фæуæлдæр кодта 21 азы онг. Ныхас цæуы цуанон, цыбыр æмæ даргъхæтæл зынгæхсгæ хæцæнгарзы хуызтæ уæй кæныныл. Ныртæккæ сын балхæнæн ис 18-аздзыдæй. Ног домæнтæ депутаттæ сфидар кодтой æртыккаг æркасты. Закъон нæ хауы, æфсæддон службæйы чи ис, кæнæ йæ чи фæцис, уыдонмæ. Афтæ ма - æфсæддон куыстуæтты фæллойгæнджытæм æмæ, юстицийы цин чи хæссы, уыдонмæ дæр. Бафтаудзыстæм ма уый, æмæ ивддзинæдтæ нæ хауынц фыдæлтыккон уагмæ гæсгæ цæрæг чысыл адæмыхæттыты минæвæрттæм. Уыдонæн сæ цардæгъдауы фæтк, кæнæ профессионалон архайд æдзух цуан кæнынимæ баст у. Хæцæнгарз дарынæн бардæттæг гæххæтт райсæн сын уыдзæн 18-аздзыдæй. Фæлæ уæззау фыдракæндтæ чи ракодта, кæнæ экстремистон архайдæй азымджын чи у, уыдон ахæм æвдисæндармæ хъуамæ æнхъæлмæ ма кæсой. Йæ хъул сах нæ абадт, наркотиктæ кæмæ ссардтой, нозтджынæй хæдтулгæ чи тардта, уыдонæн, стæй æндæр ахæм уагхалджытæн дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv