Ирон æвзаджы боны агъоммæ Заводы поселочы 34-æм скъолайы бацæттæ кодтой бæрæгбон

Мадæлон æвзаг — мадау адджын. Ирон æвзаджы боны агъоммæ. Заводы поселочы 34 сколайы рæзгæ фæлтæр бацæттæ кодтой ирон поэтты æмæ фысджыты уацмыстæй скъуыддзæгтæ, зарджытæ, кæфтытæ æмæ равдыстытæ. Мадзалы уазæг уыд нæ уацхæссæг Калоты Дзерассæ дæр. Аив ирон зарджытæ æмæ пианинойыл цагъд зæлыдысты канд скъолайы къуымты нæ, фӕлӕ ма суанг йæ кæрты дæр, ӕмӕ уымӕй уыд бамбарæн, ам циндзинад кæй ис. Йæ ном та — ирон æвзаджы бæрæгбон. Ирон æмдзæвгæтæ, зарджытæ æмæ кæфтытæ. Равдысты прогрæммæ уыд хъæздыг. Сæйраг та уый у, æмæ скъоладзаутæ зæрдæргъæвдæй кæй архайдтой бæрæгбон бацæттæ кæныныл. Равдыстытæ аив æмæ зæрдæмæхъаргæ кæй рауадысты, ууыл дзурæг та уыдысты уазджыты цæстысыгтæ. Бæрзонд æмвæзадыл бæрæгбон, сæйрагдæр та сывæллæтты зæрдæмæдзæугæ æмæ арæхстджын ныхас сты ахуыргæнджыты хæрзиуæг. Ам скъолайы кæртмæ сабиты сӕ фыццаг æрбакъахцæфæй фæстæмæ ахуыр кæнынц, куыд фæзæгъынц, мадæлон æвзаг цæстыгагуыйау хъахъхъæныныл. Уый нымайынц сæ хæсыл. Фæнысан кæндзыстæм уый, æмæ равдыст арæзт æрцыд ахуырады министрады хъæппæрисæй. Тагъд рæстæджы ма сæ зæрды ис саразын алыхуызон мадзæлттæ ирон æвзаг рапарахат кæнынæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv