Тропари на Рождественской вечерне по третьей паремии

Тропари на Рождественской вечерне после третьей паремии Таже возгласит чтец, глас 6, и глаголет тропарь сей: Тайно родился еси в вертепе, / но Небо Тя всем проповеда, / якоже уста, звезду предлагая, Спасе, / и волхвы Ти приведе, верою покланяющияся Тебе; / с нимиже помилуй нас. Стих 1: Основания Его на горах святых, / любит Господь врата Сионя паче всех селений Иаковлих, / преславная глаголашася о Тебе, граде Божий. / Помяну Раав и Вавилона, ведущим мя. И поем конец: И волхвы Ти приведе, верою покланяющияся Тебе; / с нимиже помилуй нас. Стих 2: И се иноплеменницы, и Тир, и людие Ефиопстии, / сии быша тамо. / Мати Сион речет: / Человек и Человек родися в нем, / и Той основа и Вышний. И паки: И волхвы Ти приведе, верою покланяющияся Тебе; / с нимиже помилуй нас. Стих 3: Господь повесть в писании людей / и князей сих, бывших в нем, / яко веселящихся всех жилище в Тебе. И паки: И волхвы Ти приведе, верою покланяющияся Тебе; / с нимиже помилуй нас. Слава, и ныне: Посем глаголет чтец весь тропарь. И поет сам конец его: с нимиже помилуй нас.