Специалист тæ дарддæр бæрæг кæнынц, маскæтæ дарыны фæтк чи халы, уыдоны
Короновирусимæ баст уавæр республикæйы æвзæрдæр кæны. Æмæ кæд Цæгат Ирыстоны рынчынты нымæц, иннæ регионтимæ абаргæйæ, бæрзондыл нымад нæу, уæддæр Фæлхасгæнджытæм цæстдарды управленийы кусджытæ æрвылбон расидынц рейдтæ. Бæрæг кæнынц, санитарон домæнтæ куыд æххæстгонд цæуынц, уый. Фæткмæ гæсгæ, адæм бирæгæйттæй кæм æмбырд кæнынц, уым хъæуы социалон дистанци æххæст кæнын. Бæлцæттæн сæ фылдæр – æнæ маскæтæй. Афтæ цæуынц горæты уынгты цæрджытæ. Фæлæ арæхдæр æнæ маскæтæй вæййынц æхсæнадон транспорты. Маскæтæ дарыны фæтк нæ айстой. Фæлæ ацы домæн бирæтæ халынц. Фæлæ уагæвæрд чи æххæст кæны, ахæмтæ дæр дзы ис. Рынчынты нымæц æрвылбон рæзы.Статистикæ сæ хуыздæртæй нæу. Маршрутон такситы шофырты бон цас у, уыйбæрц архайынц. Хæдтулгæйæн йæхи мидæг ис дезинфекцигæнæн раствор æмæ маскæтæ. Фæлæ дзы бæлцæттæ спайда кæнынмæ нæ тагъд кæнынц. Абонмæ сæ куыст æрлæууын кодтой 5 базарадон куыстуаты æмæ иу маршрут. Æхсæнадон хæрæндæттæ дæр æнæ æркастæй нæ баззадысты. Кусджытæ æххæст кæнынц æппæт домæнтæ. Æрбацæуджытæй дæр уый домынц. Цæмæй республикæйы разамонæджы бардзырд æнæ къуылымпытæй æххæстгонд цæуа, уый тыххæй сарæзтой мобилон къордтæ. Æрвылбон рацæуынц рейдмæ. Сæ хатдзæгтæм гæсгæ саразынц протоколтæ. Кæд хъуыддаг домы, уæд рафыссынц уайдзæфы фиппаинаг. Профилактикон рейдты рæстæг æрмæст санитарон-эпидемиологон уавæр нæ бæрæг кæнынц, фæлæ ма саразынц æмбарынгæнæн ныхас маскæтæ дарыны фæдыл. Рейдтæ араздзысты дарддæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv