Сергей Меняйло фембæлд, скъола сырх майданыл каст чи фæци, уыцы рауагъдонтимæ

Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло фембæлд, сырх майданыл скъола каст чи фæци, уыцы рауагъдонтимæ. Стыр æнтыстдзинæдтæ равдыстой ахуырад, спорт æмæ æхсæнадон куысты. Æдæппæттæй «За особые успехи в учении» майданы аккаг систы 13 рауагъдоны. Ныр хъуамæ равзарой фидæны дæсныйад æмæ ахуыры бынат. Бирæты фæнды дарддæр ахуыр кæнын Цæгат Ирыстоны уæлдæр ахуыргæнæндæтты. Фæлæ нæ бæстæйы стыр горæтты ахуыр кæнын кæй фæнды, ахæмтæ дæр разынд. Уыдонæн Сергей Меняйло бафæдзæхста, цæмæй ахуыры фæстæ дæсны специалисттæй сæ райгуырæн бæстæмæ ссæуой. Сæрмагондæй ма арфæйы ныхæстæ Сергей Меняйло ракодта рауагъдонты ахуыргæндждытæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv