Битарты Вячеслав фембæлд социалон фæдзæхстады Фонды регионалон хайады сæргълæууæг Айларты Залинæимæ

Пандемийæйы рæстæг социалон фæдзæхстады Фонды регионалон хайады æххуыс кæнынц медицинон кусджытæн. Уый тыххæй фехъусын кодта республикæйы сæргълæууæг Битарты Вячеслав управленийы разамонæг Айларты Залинæимæ фембæлды рæстæг. Коронавирусæй чи фæрынчын, уыцы медицинон кусджытæй алчидæр райста фæйнæ 68 мин сомæй фылдæр. Уыцы хъуыддагимæ Цæгат Ирыстоны къуылымпыдзинæдтæ нæ фæзынд. Уымæй уæлдай республикæйы æххæст кæнынц Уæрæсейы хицауады бардзырд. Уæлæмхасæн фиддонтæ дæттынц, коронавирусæй рынчынты чи дзæбæх кодта, стæй дохтыртæн чи `ххуыс кодта, уыцы кусджытæн. Исдзысты сæ ацы азы кæронмæ. Æдæппæтæй Цæгат Ирыстоны ахæм уæлæмхасæн фиддонтæ исынц 6 мин адæймагæй фылдæр. Социалон фæдзæхстады Фонды регионалон хайады къордæн республикæйы сæргълæууæг арфæ ракодта йæ ахадгæ куысты фæдыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv