Уæрæсейы экономикон рæзты министрад кусы Цæгат Кавказы Федералон Зылды рæзты стратегийыл 2035 æм азм

Уæрæсейы экономикон рæзты министрад кусы Цæгат Кавказы Федералон Зылды рæзты стратегийыл 2035-æм азмæ. Специалисттæ хæстæгдæр рæстæг бабæрæг кæндзысты Цæгат Кавказы æппæт регионтæ, æмбырд кæндзысты хъæугæ æрмæджытæ. Стратегимæ ивддзынæдтæ бахæссыны фæдыл сарæзтой сæрмагонд æмбырд. Архайдтой дзы бæрнон кусджытæ иууылдæр. Цæгат Ирыстоны минæвæрттæ - нæ республикæйы экономикон рæзты министр Томайты Хъазыбег, йæ хæдивæг Кочиты Сослан æмæ министрады стратегион рæзты хайады разамонæг Сланты Алан. Сæрмагонд документ сцæттæ кæндзысты декабрмæ. Томайты Хъазыбег куыд фæбæрæг кодта, афтæмæй алы регионмæ дæр хъæуы хицæн лæмбынæг æркаст. Цæгат Ирыстоны раззагдæр бакусинаг фарстатæй иу у егъау транспортон фæндаг Фæскавказмæ саразын, хъæугæ инфраструктурæимæ. Фарон азы бæрæггæнæнтæм гæсгæ, арæнты сæрты ахызт техникæйы 200 мин иуæгæй фылдæр. Уыцы бæрæггæнæн бонæй-бонмæ рæзы. Ахадгæ къабаз Цæгат Ирыстоны ма у артаг æмæ энергетикæйы комплекс. Цы курдиæттæ нысангонд сты, уыдонмæ æркæсдзæн федералон министрад. Специалисттæ фембæлдзысты се*мкусджытимæ, араздзысты æмбырдтытæ дæсны æмæ амалхъом адæймæгтимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv