Стадион «Спартак» сцалцӕг кӕнынӕн рахай кӕндзысты 1 млрд сомӕй фылдӕр

Стадион «Спартак» сцалцӕг кӕнынӕн 2021 азы рахай кӕндзысты 1 миллиард сомӕй фылдӕр. Ацы ӕхцайы фӕрӕзтӕ дихгонд ӕрцӕудзысты федералон ӕмӕ регионалон бюджетӕй. Стадион арӕзт ӕрцыд 1962 азы. Цалцӕг кӕнын ӕй райдыдтой ацы аз «Цӕгат Ирыстоны физикон культурӕ ӕмӕ спорт райрӕзын кӕнын»-ы паддзахадон программӕйы фӕлгӕты. Арӕзтад ӕмӕ архитектурӕйы министрады куыд фехъусын кодтой, афтӕмӕй цалцӕг кӕндзысты фӕз, трибунӕтӕ ӕмӕ коммуникацион системӕтӕ. Паддзахадон программӕйы фӕлгӕты ма 2021 азы сараздзысты спортивон комплекс Ӕрыдоны. Уымӕй уӕлдай ма, Дзӕуджыхъӕуы арӕзт ӕрцӕудзӕн футболон манеж ӕмӕ физкультурон-дзӕбӕхгӕнӕн комплекс бассейнимӕ. Ӕппӕт дӕр - федералон ӕмӕ регионалон бюджетӕй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv