Иумæйаг паддзахадон фæлварæнтæ æмæ се ‘мгъуыд | Дуг. Цаутæ. Адæм

Æрхæццæ кæны ахуыры азы кæрон. Æмæ кæд ахуыргæнæдæттæ æхгæд сты, уæддæр скъоладзауты æмæ студентты сæрды райдайæн равдисын хъæудзæн сæ зонындзинæдтæ, дæттын сæ бахъæудзæн фæлварæнтæ. Коронавирусы аххосæй ивддзинæдтæ хаст æрцыди æппæт ахуырады къабазы дæр. 9-æм кълас ахуыр чи фæци, уыдон паддзахадон хатдзæгон аттестаци ацæудзысты июнь æмæ июлы. Иумæйаг паддзахадон фæлварæнтæ раттыны хъуыддаджы стыр ивддзинæдтæ хаст не рцæудзæн, афтæ нын æрæджы фехъусын кодтой ахуырад æмæ наукæйы министрадæй. Уæвгæ, уый тыххæй чысыл фæстæдæр сбæрæг уыдзысты бæлвырддæр хъусынгæнинæгтæ. Куыд сарæхсдзысты сывæллæттæ фæлварæнтæ раттынмæ, æмæ куыд арæзт цæудзæн сæ дарддæры ахуырадон фæндаг, ууыл æмæ ма æндæр фарстытыл абон æрныхас кæндзыстæм Цæгат Ирыстоны ахуырады æмæ наукæйы министрады национ хайады сæргълæууæг Нæкуысаты Иринæимæ, Елхоты бирæфадатджын колледжы сæргълæууæджы хæдивæг Бигъаты Жаннæимæ æмæ Æрыдоны Цæгат Кавказы аграрон-технологон колледжы ахуыргæнæг Хъуппеты Татьянæимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv