2015-æй 2020-æм азмæ бындуронæй цалцæггонд æрцыд 205 бирæфатерон хæдзары

2015-æй 2020-æм азмæ бындуронæй цалцæггонд æрцыд 205 бирæфатерон хæдзары. Хæдзæртты цæрджытæ фиддонтæ афойнадыл куы хæссиккой, уæд уыцы нымæц уаид фылдæр. Уый тыххæй фехъусын кодта цæрæнуæтты-коммуналон хæдзарад, артаг æмæ энергетикæйы министр Тамайты Майрæн. Бирæуæладзыгон хæдзæртты бындурон цалцæджы программæйы ис 2 538 адрисы. Республикон программæ дихгонд у æртæазон къæпхæнтыл. Фиддонтæ фаг куы нæ вæййынц, уæд уый аххосæй цалцæггæнæн куыстытæ аргъæвынц фæстæдæрмæ. Фонды куысты руаджы цалцæггонд хæдзæртты нымæц фарон фæфылдæр. 24%-æй схызт 34% онг. Ивгъуыд аз бындуронæй рацарæзтой 71 хæдзары. Ныртæккæ бындурон цалцæгæн йæ фиддоны бæрц у 5 сомы æмæ 24 капеччы. Фæлæ лæггæдтæ афойнадыл хæссыны фæтк иуыл хорз нæу, бирæтæ уæвгæ фидгæ дæр нæ кæнынц. Бирæфатерон хæдзæртты бындурон цалцæджы фонды кусджытæ зæрдæ дарынц, уавæр хуыздæры `рдæм кæй аивдзæн, ууыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv