Цæгат Ирыстоны æххæст кæнынц «Ирон адæмы национ культурон райрæзты»-ы программæ

Ирон æвзагыл чи фыссы, уыимæ ма сабитæн, уыдонæн паддзахадон æххуыс кæнын. Æнæ цæстдардæй ма ныууадзын журналистикæйы факультеты ирон хайады студентты дæр. Ацы æмæ æндæр хæстæ сæ размæ æвæрынц «Ирон адæмы национ культурон райрæзты» паддзахадон программæйыл чи кусы, уыцы специалисттæ. Абон ууыл дзырдта Цæгат Ирыстоны национ ахастдзинæдты фарстаты фæдыл министрады аналитикон хайады хицау Бæгъиаты Сослан. Программæ æххæст кæндзысты 2021-æй 25-æм азмæ. Уыцы `мгъуыдмæ программæйы бюджет у 307 милуан сомæй фылдæр. Зæгъæм, йæ фæлгæты сараздзысты æрыгон ирон фысджыты конкурс. Архайдзысты дзы канд Цæгат нæ, фæлæ ма Хуссар Ирыстоны минæвæрттæ дæр. Уæдæ скъоладзауты `хсæн та расиддзысты конкурс «Ирон дæн æз», зæгъгæ, номимæ. Иу цымыдисаг куыст та ма уый у, æмæ фидæнмæ нысан кæнынц Фирдоусийы «Шахнамэ» ирон æвзагмæ ратæлмац кæнын. Программæйы дыууæ хайы сахаддзысты ирон æвзаг, национ æмæ культурон хæзнатæ бахъахъхъæныныл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv