Хæслæвæрдтыл бакусын Битарты Вячеслав бабар кодта æххæстгæнæн органты минæвæрттæн

Цæрæнуæтты-коммуналон хæдзарады лæггæдтæ, хъармгæнæн рæстæгмæ цæттæгæнæн куыстытæ, нацпроекттæ æмæ æндæр ахсджиаг мадзæлттæ хъуамæ конд цæуой афойнадыл. Ахæм хæс Битарты Вячеслав сæвæрдта бæрнон кусджыты размæ. Виедеоконфенренцийы хуызы æмбырды архайдтой æххæстгæнæн органтæ æмæ муниципалитетты разамонджытæ. Адæмы цардыархайд кæмæй аразгæ у, уыдон сæ куыст хъуамæ кæной бæстон æмæ бæлвырд æмгъуыдмæ, фæнысан кодта республикæйы сæргълæууæг. Нацпроекттæм æмæ паддзахадон программæтæм уæлдай æргом аздахын Битарты Вячеслав бабар кодта республикæйы районты хицæуттæн. Нæ хъæуы рох кæнын эпидемиолгон уавæр дæр – маскæтæ дарыны фæтк сæйраг домæнтæй иу. Æмбырды æрныхас кодтой энергон ресурстæн фæлхасгæнджытæ куыд фидынц, ууыл. Финансты министрадæн Битарты Вячеслав бафæдзæхста энергон тых куыстуæттæм цы компанитæ хæццæ кæнынц, уыдонæн фиддонтæ авансы хуызы бахæссыны фарстайыл бакусын. Æхцайы фæрæзтæй бабиноныг кæндзысты коммуналон хæдзарады инфраструктурæ. «Комплексное развитие сельских территорий» программæйы фæлгæты та сæ цæрæн уавæртæ фæхуыздæр кæндзысты 48 бинонтæн, Алагиры, Кировы, Мæздæджы, Æрæфы æмæ Горæтгæрон районтæй. Уыдон сты æппынæдзух хъæуты чи фæллой кæны, ахæм цæрджытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv