Æппæтуæрæсеон адæмон фронты уæнгтæ сывæллæттæн Ног азы агъоммæ сарæзтой акци

Æппæтуæрæсеон адæмон фронты уæнгтæ Цæгат Ирыстоны сарæзтой акци «Новогоднее чудо». Аргъæутты хъайтартимæ æмæ профессионалон инструктортимæ къахдзоныгътыл бырæн ихыл бирæсывæллонджын бинонтæн бацæттæ кодтой æцæг бæрæгбон. Сывæллæттæ ихыл фæцалх сты хуымæтæг элементтæ кæныныл, райстой ма лæвæрттæ дæр. Мадзала бацархайдтой 30 сывæллоны республикæйы алы районæй. Æрвылазон акци ацыд комплекс «Ледовая арена» æмæ Дзæуджыхъæуы Ирыстойнаг районы социалон лæггæдты центры æххуысæй. Ихыл бырынæй уæлдай ма сабитæн сарæзтой хъæлдзæг хъæзтытæ æмæ алыхуызон эстафетæтæ. Ерысты кæрон сывæллæтты зæрдæтæ балхæдтой адджинæгтæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv