Цæгат Ирыстоны сывæллæтты хъазæн æмæ спортивон фæзтæ фаг не сты

Футболæй кæрты ахъазын, кæнæ тренажертыл хи аирхæфсын. Пайдаимæ сывæллæттæн сæ рæстæг арвитæн ис спортивон фæзуатыл сæ хæдзары цур. Уæвгæ ахæм фадат се ппæтæн нæй. Цæгат Ирыстоны сæрмагонд спортивон фæзуæттæ нæ фаг кæны. Фарон республикæйы фæзынд æрмæст 14 ахæм спортивон объекты. Сæрдыгон каникултæ ацы æвзонг лæппутæ арвыстой спортивон фæзты. Горæтгæрон районы Камбилеевское хъæуы сывæллæттæн ай иунæг бынат у, сæхи кæм аирхæфсынц, ахæм. Ацы фæз, иннæтау, фæзынд афæдз размæ. Раздæр дзы уыд кæлæддзаг хæдзар. Проекты райрæзт къухы бафтыд паддзахады æххуысы руаджы. Ацы фарстайыл куыст цæуы, фæлæ æгас республикæйыл не 'ххæсынц. Дзæуджыхъæуы Къостайы проспекты 298 хæдзары сывæллæттæ хъазынц сосæ фæндагмæ æввахс. Сæ ныййарджытæ сæм лæмбынæг кæсынц, хæдтулгæтæй сын тæрсынц. Ам уавæрыл ахуыр сты. Кæддæр хæдзары цæрджытæ спортивон фæз сæхи хъарутæй скодтой. Ныр дзы ног спортивон гæрзтæ фæзындзæн, уый сæ уырнгæ дæр нæ кæны. Бирæ хæдзæртты раз спортивон объекттæ нæй. Дзæуджыхъæуы администрацийы кусджытæ фарстайы тыххæй зонынц. Фæлæ куыд зæгъынц, афтæмæй сæм фæрæзтæ фаг нæй. Хъуыддаг аиувар кæнынмæ æххуыс кæнынц Æппæтуæрæсеон адæмон фронты активисттæ дæр. Дыууæ къуырийы дæргъы зылдысты объекттыл. Скодтой хатдзæгтæ. Изæры 'рдæм футболон матч кæронмæ æрхæццæ. Сывæллæттæ сæ хæдзæрттæм атагъд кодтой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv