Коронавирусæй рынчынтыл Цæгат Ирыстоны бафтыд 81 адæймаджы

Райдыйдзыстæм коронавирусы æрвылбон бæрæггæннæтæй. Рынчынтыл ивгъуыд суткæмæ бафтыд 81 адæймаджы. Æдæппæтæй сæ нымæц сси 13 мины æмæ 13. Æнæниздзинад хъахъхъæныны министрады хъусынгæнинагмæ гæсгæ, республикæйы дзæбæхгæнæндæтты ис 1 309 адæймаджы. Уыдонæй Тагъд Æххуысы Клиникон Рынчындоны 562, COVID-имæ - 278-æй. Реанимацийы æххуыс хъæуы 59 адæймаджы, аппараты фæрцы улæфынц 12-æй. Республикон Клиникон Рынчындоны та ныртæккæ ис 684 адæймаджы. Коронавирус дзы рабæрæг 164-мæ. Реанимацийы хайады ис 59 рынчыны. Аппараты фæрцы дзы улæфынц 36-æй. Сывæллæтты Республикон Клиникон рынчындоны ис 38 сывæллоны, 11 та сты хистæр кары. COVID дзы рабæрæг 16 сабимæ æмæ 7 хистæрмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv