Хъæугæ хойрæгты æргътæ иу ран бауромыныл архайы экономикæйы рæзты министрад

Сæкæры аргъ фæкъаддæр. Зетийы аргъ дæр бантыст бауромын. Уый тыххæй экономикæйы рæзты министр Максим Решетников загъта Владимир Путинимæ фембæлды. Нæ бæстæйы сæргълæууæг æргътæ иу ран бауромыны фарстамæ йæ цæст йæхæдæг дары. «Адæм хъуамæ банкъарой, хицауад хъуыддагыл кæй кусы, уый», загъта Путин. Æмæ бабар кодта уавæрыл дарддæр дæр архайын. Уæ зæрдыл уын æрлæууын кæндзыстæм, фарон декабры ахсджиаг хойрæгты æргътæ кæй фæфылдæр сты. Экономикæйы рæзты министрадæн президент бабар кодта уавæрыл бакусын. Нæ республикæйы дзуаппдæттæг министрад дæр базарадон куыстуæттæм курдиæттæ арвыста, цæмæй æргъты бæрцмæ æркæсой. Хъуамæ зетийы иу литрæн йæ аргъ 110 сомæй фылдæр ма уа, сæкæры иу килæйæн та – 46 сомæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv