Рассвет æмæ Дæллаг Фыййагдоны байгом кодтой фелсырон-акушерон пункттæ

Фелсырон-акушерон пункттæ байгом сты Рассвет æмæ Дæллаг Фыййагдоны. Адæм разы сты уыцы хъуыддагæй. Кæд сæ раздæр хъуыд сыхаг хъæутæм цæуын медицинон æххуысы фæдыл, уæд ныр сæ цард фенцондæр. Ныридæгæн нæ республикæйы ис 15 ахæм пункты. Рæхсджы сæ нымæц фæфылдæр уыдзæн. Адæмон фронты уæнгтæ сын сæ архайд æмæ уавæртæм æркастысты. Райдзаст бæстыхæйттæ æмæ хъæугæ медицинон кусæнгæрзтæ – æмбæлгæ уавæртæ пациенттæн лæггад кæнынæн. Медицинон уагдон цæттæ у рынчынты исынмæ. Дæллаг Фыййагдоны кадджын уавæры байгом кодтой фелсырон-акушерон пункт. Мадзалы архайдта республикæйы æнæниздзинад хъахъхъæнынады министр Годжыцаты Тамерлан. Ивгъуыд къуыри та, ахæм пункт байгом Рассветы хъæуы дæр. Цæрджытæ тынг цин кæнынц. Ныр сын медицинон æххуыс райсын æнцондæр уыдзæн. Дыууæ пункты дæр кусы иу фелсыр – Бураты Земфирæ. Йæхæдæг куыд зæгъы, афтæмæй уавæр цæхгæр аивта. Ныр сын æнцондæр кусæн уыдзæн. Бынаты уыдысты Æппæтадæмон фронты минæвæртттæ дæр. Федтой уавæртæ, æркастысты кусæнгæрзтæм. Раздæры уавæримæ зонгæ уыдысты, уымæ гæсгæ ног фелсырон пункттæй разыйæ баззадысты. Рынчынты нымæцмæ гæсгæ ма кусынмæ райсдзысты ноджы иу фелсыры. Уый тыххæй зæрдæ бавæрдта æнæниздзинад хъахъхъæныны министр Годжыцаты Тамерлан. Уæвгæ, республикæйы ныридæгæн кусы 15 фелсырон-акушерон пункты. Рæхсджы сæ медицинон кусæнгæрзты нымæц дæр фæфылдæр уыдзæн. Фæзындзæн дзы маммографийы æмæ флюройы мобилон аппараттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv